DHJETË KOMPJUTERËT MË TË MIRË “ASUS Eee PC KILLERS”

DHJETË KOMPJUTERËT MË TË MIRË “ASUS Eee PC KILLERS”

Të frymëzuara nga suksesi i “Asus Eee PC”, shumë kompani të tjera filluan të paraqesin modele të ngjashme të laptopëve (kompjuterë portativ) me një llojllojshmëri të opsioneve. “Eee PC” nuk është vetëm një nën-netbllok (sub notebook) i vogël dhe me çmim të ulët; ai gjithashtu inicioi e gjithë linjën e re të laptopëve të quajtur net-blloqe. “Wikipedia” pohon, se termi net-bllok (netbook) u paraqit nga kompania “Intel” në shkurt të vitit 2008 për të përshkruar kategorinë e net-blloqeve me madhësi të vogël, me çmim të lirë, peshë dhe funksion të lehtë, të përshtatura për qasje në internet dhe funksione themelore të informatikës (p.sh. përpunimi i teksteve) – ose drejtpërsëdrejti nga aplikimet e instaluara në vet net-bllokun ose në mënyrë indirekte, përmes teknologjisë kompjuterike. Duke qenë se net-blloqet bëhen më shumë e më shumë të popullarizuara, ashtu edhe numrat e tyre rriten dhe tani gati çdo prodhues i kompjuterëve paraqiti rivalin e vet për “Asus Eee PC”. Kjo listë e 10 kompjuterëve që mundin “Asus Eee PC-në” përfshin vetëm llojet e lëshuara kohëve të fundit në treg ose vetëm llojet e paraqitura që kanë pak mundësi për të zëvendësuar “Eee PC-në” si net-blloqet më të mira. Kështu pra, t’i shikojmë konkurrentët.

5. Acer Aspire One
Me kompjuterin portativ “Acer Aspire One” kompania “Acer” përpiqet të hyjë në tregun e net-blloqeve. Ky laptop elegant me shkëlqim të zi punon me procesor 1.6 GHz Intel Atom N270, ka RAM 512 ose 1 GB dhe një opsion për të përfshirë ose “Solid State Drive” (SSD) 8GB ose “Hard Disk Drive” (HDD)120 GB 2.5 inç. Monitori është i njëjtë me atë të “Asus Eee PC 900” me dimensionet 1024 x 600, e gjithashtu edhe funksionet i ka shumë të ngjashme me atë, si Ethernet, Wi-Fi, kamerë dhe 3 USB 2.0 portale. Bashkëpunimi i kompanisë “Acer” me “Linpus Linux” e bëri të ditur se ky net-bllok do të paraqes një prej prodhimeve të fundit të “Linpus” të krijuara veçanërisht për “Acer Aspire One”. Shumë interesant është edhe fakti që shfrytëzuesit gjithashtu e përdorën edhe versionin Linux me Windows XP. Shumë shpërndarës alternativ Linux e pëlqejnë Ubuntu dhe Mac OS X.

4. Dell E
“Dell E” është një net-bllok i cili është i prirë për të dalë në konkurrencë me nën-netblloqe tjera të çmimit të ulët, siç janë “Eee PC” dhe “Aspire One”. Ngjashëm me “MSI Wind”, funksionon me procesor të 1.6 GHz Intel Atom. Dhe përfshin 512 ose 1 GB RAM. Të dhënat mund të futen në 4, 8 ose 16 GB SSD. Pajisja tipike e funksioneve është akoma prezente: Wi-Fi, Ethernet, kamerë dhe lexues të kartelës. Net-blloku i Dell-it ka një ekran 8.9 inç (1024 x 600) dhe vjen në dy versione, Linux dhe Windows, me versionin e Windows-it që kushton pak më shumë.

3. HP 2133 Mini-Note PC
Gjersa modeli i ngjason atij “Classmate PC”, i caktuar për tregun edukativ, ai është shumë më i shtrenjtë dhe më i fuqishëm. Përmban një procesor VIA C7 – M ULV (1.0-1.6 GHz), deri në 2 GB RAM, zbërthimin më të madh në mesin e të gjithë konkurrentëve të tjerë – 1280 x 800 dhe posedon aftësinë për të lëshuar Windows Vista nga kutia. Vjen në dy versione, me Linux ose me Windows. Kapacitetet e tij “wireless” zgjaten me Bluetooth, gjithashtu brenda ka edhe kartelën “gigabit Ethernet” së bashku me një kartelë “Expresscard” me shtrirje 54 vendesh. Natyrisht është më i shtrenjtë se shumica e rivalëve të tjerë - 499 dollarë për versionin Linux, mirëpo njëkohësisht është i mbushur edhe me më shumë veçori të tjera të dobishme. Sidoqoftë, nuk është e sigurt që të gjitha këto veçori janë me të vërtetë të nevojshme për një kompjuter edukativ. Ndoshta do të ishte më mirë që të hiqen disa nga veçoritë e avancuara, në mënyrë që çmimi të jetë më i ngjashëm me “OLPC-në”? Ndërsa kompania “HP” mendon të kundërtën.

2. Everex CloudBook
“Everex CloudBook” ishte kundërshtari i parë i njohur i “Eee PC”, madje edhe i afrohet shumë kundërshtarit të tij. Kompania “Everex” mori një vendim shumë të mençur që nuk i kopjoi idetë të cilat Asusi i përdori dhe kështu bëri që net-blloku i tyre të duket dhe ndjehet tërësisht ndryshe. Pikë së pari, nuk është i dizajnuar si laptopët e tjerë të zakonshëm, duke bërë që të jetë një laptop më i përshtatshëm portativ. Edhe kontrolli me prekje të gishtave (në vend të mous-it/miut) nuk do ta gjeni në vendin e tij të zakonshëm – është i vendosur në anën e djathtë dhe të epërm të kompjuterit, e jo si më parë që gjendej në fund të tastierave, ashtu siç është e zakonshme për një net-bllok kompjuter. Ky ndryshim u bë në mënyrë që ky kompjuter të bëhet edhe më portativ dhe që të mund të mbahet në një dorë gjatë shtypjes, ose në dy duar kur përdoret mous-i - me gishtin e madh të majtë të kontrollohen dy sustat e mous-it, gjersa me gishtin e madh të dorës së djathtë të kontrollohet kursori. Ashtu si sustat e mous-it edhe tastierat janë të vendosura mu në fund të ekranit. Kështu që edhe duke ecur me të në dorë keni akoma mundësi që të shtypni – prandaj ky net-bllok edhe pa monitor që funksionon me prekjen e gishtave, shumë shpesh shitet si kompjuter ultra portativ. Veçoritë e tij teknike janë pothuajse tërësisht të ngjashme me “Eee PC-në”, i vetmi dallim i vërtetë është se ai ka një HDD prej 30 GB në vend të SSD. Punon me procesor të tipit VIA C7-M ULV 1.2 GHz, ka RAM prej 512 MB, ekran 18 cm (7 inc) WVGA (800 x 480) TFT, Ethernet, Wi-Fi, 0.3 mega pixel kamerë dhe lexues të kartelës.

1. Asus Eee PC 1000
Nëse jeni duke menduar se për çfarë arsyesh “Eee PC” është në listën e konkurrentëve më të mirë të “Eee PC-së”, atëherë dëshirojmë që ta qartësojmë këtë pozitë. Ky version i net-bllokut të popullarizuar, i cili është tërësisht i ri dhe shumë pak i ridizajnuar i posedon të gjitha mundësitë që të bëhet ylli i tërë këtij demonstrimi. Duke qenë i vogël në madhësi dhe me një peshë të ulët, paraqet një ekran të madh prej 10 inçësh (1024 x 600) dhe vjen një procesor Intel Atom me RAM prej 1 GB. Ofron një bateri tejet të gjatë: 7.5 orë, atëherë kur kryen detyra të thjeshta pa qenë i kyçur në “wireless”. Kjo është e mundshme për shkak të baterisë me gjashtë elemente dhe prej përdorimit të vogël të energjisë nga platforma e re Intel Atom. Ashtu siç deri më tani e keni vërejtur, çdo net-bllok ka versionin Linux dhe Windows. Kjo ndihmon që të zvogëlohen shpenzimet e të blerit laptop me Windows të instaluar më herët, sidoqoftë ofron mundësinë për të blerë Windows-in nëse ashtu zgjedh përdoruesi. Gjersa versionet Windows çdoherë kanë qenë më të shtrenjta, kësaj radhe situata është tërësisht ndryshe. Versioni i Windows-it është më i lirë për shkak të HDD-së prej 80 gigabajtëve, gjersa versioni Linux vjen me një “drive” më të shtrenjtë SSD prej 30 GB. Në përgjithësi, “Eee PC 1000” është një produkt që premton shumë, një shembull për zhvillim të mirë të ideve revolucionare që kompjuteri origjinal “Eee PC” paraqiti.