GRAN TURISMO 5 PROLOGUE

GRAN TURISMO 5 PROLOGUE

Gran Turismo 5 Prologue” mund të jetë vetëm një xhiro për të ushtruar për garën e vërtetë, mirëpo prapëseprapë është një udhëtim i këndshëm.
Anët pozitive:
• Një punë artistike në aspektin teknik
• Një zgjedhje e shumëllojshme e automjeteve
• I fton 16 lojtarë për të garuar “online” në Gran Turismo.

Anët negative:
• Nuk ka pista të mjaftueshme
• Vetëm një hyrje për në lojën e vërtetë
• Ndonjëherë ka ndërprerje në lojërat “online”
• Nuk ka opsion për të përmirësuar pjesët e automjeteve.

Nëse “Gran Turismo 5” do të jetë imituesi i vërtetë i vozitjes, atëherë “Prologue” mund të përshkruhet si një xhiro për t’u ngrohur. Edhe pse loja një arritje teknike e mahnitshme që duket dhe dëgjohet jo më pak se për mrekulli, përfundimisht është një provë e shkurtër e lojërave të shumëllojshme që pasojnë.

Lojën e filloni me 35000 pikë, që mjafton për të blerë një veturë të zakonshme, siç është Mini Cooper- S ’06, Citroen C4 Coupe ’05, Ford Focus ST ’06, Honda Integra Tipi R ’04, ose e parapëlqyera e jonë, Mazda RX-8 Tipi S’07. Disa gara fituese mund t’ju japin mjaft pikë për të blerë diçka më mirë, mirëpo opsioni për t’i kursyer të hollat e juaja dhe për të zhvilluar një seri me 10 gara, për të fituar një veturë të re – çdoherë ekziston. Ndryshe nga lojërat e mëhershme, “Prologue” nuk ju dhuron opsionin që të përmirësoni pjesët e automjetit, edhe pse më vonë fitoni qasje në opsionin e shpejtësisë.

“Prologue”, pa asnjë dyshim është një prej lojërave më të bukura për nga pamja në PlayStation 3. Ambientet janë të stërmbushura me detaje të shumta dhe me të vërtetë e shfrytëzojnë mirë fotografinë HD. Një vëmendje tejet e madhe iu është kushtuar veturave, të cilat duken plotësisht për mrekulli gjersa fluturojnë rreth shtigjeve. Edhe ambientet janë njëlloj mbresëlënëse.

Menyja e sistemit të lojës “Prologue” është logjike dhe mirë e paraqitur, e cila ofron të gjitha opsionet e ndryshme të së luajturit në fund të ekranit. Këto përfshijnë: lajme, pozicione “online”, rrugë të ngushta dhe të mbuluara me harqe, ekran të ndarë në pjesë të palëvizshme, ngjarje për vetëm një lojtar, garazhin tuaj, firmë për tregti, opsione për të luajtur sërish, opsione të përgjithshme dhe një udhëzim të përshtatur digjital për ju që të zgjidhni versionin e lojës, i cili mund të shkarkohet, më mirë se sa në Blu-ray Disc.

Seria e këtyre lojërave ka krijuar reputacion për fonogramin e tyre, si dhe zgjedhja e muzikës së “Prologue”-ut nuk është aspak zhgënjyese, me muzikë rok gjatë garave dhe me muzikë “electro” (aparat daullesh) dhe xhaz të lehtë kur jeni duke shfletuar menynë. Zërimi i lojës (gjatë lojërave) është gjithashtu shumë real, ashtu siç do të prisnit nga një lojë që ia mban vetës të jetë imituesi (i garës së vërtetë). Ju të cilët jeni duke përdorur një sistem dëgjuesesh të mirëfilltë, do të keni mundësinë që të mbështeteni në zhurmimin e audio gjurmëve, si zhurma të gomave, të sipërfaqeve të asfaltit, buçitjeve të rripave, ose të garuesve që gjenden pranë. Efektet e zërit janë të menjëhershme dhe me të vërtetë ndihmojnë që loja të jetë sa më reale.

“Gran Turismo 5 Prologue” është një imitim i mirë për entuziastët e vozitjes në PlayStation 3, të cilët kanë një dobësi për vetura ekzotike. Gjithashtu, nuk ndërron drejtimin e caktuar nga lojtarët e mëhershëm të saj dhe akoma arrin të paraqes vozitje të nivelit më të lartë, automjete dhe pista të rikrijuara me saktësi dhe një kthesë që ju mëson dhe ju shtyn që ta shpejtoni lojën, gjersa jeni duke përparuar. Sidoqoftë, mungesa e dëmtimeve në automjete, ofrimi i një numri relativisht të vogël të automjeteve dhe pistave të aktivizuara, dhe numri i vogël i opsioneve “online”, shndërrojnë këtë lojë, në një lojë të vështirë për t’u shitur, kur vihet përballë disa konkurrencave të tjera.